漫步人生路之远歌

日期:2012-04-12
丹增活佛诗集   མི་ཚེའི་ཤུལ་ལམ་འགྲིམས་པའི་རྒྱང་གླུ།  一篇之译文  


 

སྲིད་ལ་ཆགས་པ་མེད་ཀྱང་སྲིད་པའི་གནས་སུ། །
ཉམ་ཐག་འགྲོ་བ་བྱམས་ཆེན་ཐུགས་རྗེས་སྐྱོང་མཛད། །
བསླུ་མེད་གཏན་གྱི་སྐྱབས་གཅིག་དྲིན་ཆེན་བླ་མ། །
དེང་སང་སྐྱེ་བོའི་ལས་སྣང་ཐུགས་ཀྱིས་དགོངས་སམ། །

དང་མའི་སེམས་ཀྱི་ཁྱེའུ་ཆུང་སྙིང་ལ་རྗེ་བོ། །
སྔོན་བསགས་ལས་ཀྱི་སྣང་བས་དབང་མེད་བསྐྱོད་དེ། །
མི་ཡུལ་འཇིག་རྟེན་ཁམས་སུ་ལྟད་མོ་ལྟ་བར། །
འཚོ་བའི་ལམ་བུ་བརྒྱུད་ནས་རྒྱང་དུ་ཆས་སོང༌། །

ཡངས་པའི་ལམ་ཁ་རེ་ན་དགོད་སྒྲ་རེ་རེ། །
དོག་པའི་ལམ་འགག་རེ་ན་མིག་ཆུ་རེ་རེ། །
དགའ་སྐྱོའི་གཟིགས་མོ་རེ་ལ་རེ་དོགས་རེ་རེ། །
སྐྱིད་སྡུག་ཉམས་མྱོང་རེ་ལ་རྗེས་དྲན་རེ་རེ། །

སད་སྣང་ཉིན་མོའི་འོག་གི་རྨི་ལམ་འདི་ལ། །
ཨ་འཐས་བདེན་པར་ཞེན་པའི་འཁྲུལ་སྣང་བརྟས་པས། །
དགྲ་གཉེན་ཆགས་སྡང་རྩོད་པའི་ཡོ་ལང་འཕྲུལ་འཁོར། །
མུ་མེད་སྡུག་བསྔལ་སློང་བའི་གཤེད་དུ་བསྐོར་སོང༌། །

ཚོགས་དྲུག་ཡུལ་སྣང་ནམ་མཁའི་འཇའ་ཚོན་ངོས་སུ། །
རྟག་འཛིན་སེམས་ཀྱི་བྱིས་པ་མགོ་བོ་འཐོམས་ཏེ། །
སྟོང་གཟུགས་སྤར་གྱིས་བཟུང་ནས་རྒྱན་དུ་རེ་བ། །
རང་སེམས་སྡུག་གི་ཁུར་བོའི་སྣོན་མ་ལོས་ཡིན། །

མི་ཚེའི་ཕུགས་བསམ་ཟང་ཟིང་རྫས་ལ་བཅོལ་པའི། །
འདུ་ཤེས་འཛིན་སྟངས་ཁྱེར་བའི་མི་ཚོགས་ཁྲོད་ན། །
ནང་ཚུལ་སེམས་ཀྱི་རིན་ཐང་ཇི་བཞིན་ཤེས་མཁན། །
ཉིན་མོའི་སྐར་མ་ལས་ཀྱང་དཀོན་པ་ཨེ་ཤེས། །

དྲང་པོའི་ལམ་ལ་གནས་ཤིང་ཆོས་བཞིན་སྤྱོད་ན། །
བྱ་རོག་དཀར་པོར་གྱུར་ནས་ཁྲེལ་གྱིས་འདེབས་པ། །
དེང་སང་སྐྱེ་བོའི་བསམ་སྤྱོད་རི་གཟར་འབབ་ཆུ། །
གཡོ་ཞིང་གཡོ་ཞིང་འོག་ནས་འོག་ཏུ་འགྲོའོ། །

ཤེས་རིག་ལོངས་སྤྱོད་བརྩེ་དུང་འདོད་ཡོན་ཆེད་དུ། །
འགྲན་རྩོད་གཡུལ་ཁ་འགྱེད་པའི་སྐྱེ་བོའི་ཁྲོད་ན། །
སེམས་ཀྱི་རྨ་ཁ་གསོ་བའི་འཆི་སོས་བདུད་རྩི། །
དམ་པའི་ལྷ་ཆོས་དྲན་ན་ངོ་མཚར་ཆེའོ། །

ཁྲ་ཁྲ་ཤིག་ཤིག་དེང་རབས་གློག་གི་གྲོང་དུ། །
འུར་འུར་ཟིང་ཟིང་ངང་ནས་མི་ཚེ་བསྐྱལ་ཡང༌། །
ངེས་ངེས་སེམས་ཀྱི་བདེ་སྐྱིད་རྒྱང་ཐག་རིང་ན། །
དུང་དུང་འདུན་པའི་རྩེ་མོ་ནང་དུ་ཕྱོགས་རན། །

དོན་དམ་སེམས་ཀྱི་བདེ་བ་ནོར་གྱིས་མི་ཁུག །
གུ་ཡངས་ནང་གི་སྐྱིད་ཉམས་དབང་གིས་མི་ལོན། །
ཤུགས་འབྱུང་གཤིས་ཀྱི་དགའ་བ་གཡོ་སྒྱུས་མི་འཐོབ། །
བསམ་ཞིང་ཞེ་བློ་བདེ་བའི་ཆོས་པ་སྐྱིད་དོ། །

སྟོན་མཆོག་ཐུབ་པའི་ཉི་མ་རིང་ནས་གཟིམས་ཀྱང༌། །
ངེས་དོན་ཆོས་ཀྱི་འོད་སྣང་ད་དུང་མ་ཉམས། །
བསྟན་པའི་སྣང་བ་མཇལ་བའི་སྐལ་བཟང་བསམས་ན། །
སྤྲོ་དགའི་ཁོང་འཛུམ་མི་འཆོར་རང་དབང་ཅི་ཡོད། །

ཡུན་ཐུང་ཚེ་འདིར་སྡུག་བསྔལ་ཅུང་ཞིག་མྱོང་ཡང༌། །
གཏན་གྱི་སྐྱིད་རྒུའི་བསུ་མས་མདུན་ན་བསྒུག་པས། །
བདེ་ནས་བདེ་བར་བགྲོད་པའི་ཐར་འདོད་སྐྱེ་བོ། །
འུ་ཅག་བྱང་ཆུབ་ལམ་ལ་མཉམ་དུ་ཆས་འགྲོ། །

ལམ་མཁན་དེད་དཔོན་མཁས་པའི་བསུ་མར་འགྲོགས་ནས། །
དོན་གྲུབ་མགྲོན་པོས་སྙན་པའི་རྒྱང་གླུ་ལེན་བཞིན། །
སྐལ་བཟང་དགའ་བའི་དཔལ་ལ་ངོམས་མེད་སྤྱོད་པའི། །
ལྷག་བསམ་རེ་བ་དཀར་པོ་འབྲས་བུས་མ་སྟོངས། །

རིང་ནས་འདྲིས་པའི་ཕ་ཁྱིམ་མི་ཡུལ་ལྗོངས་ཀྱི། །
རིགས་མཐུན་འགྲོ་བའི་མོས་སྣང་ཆོས་ལ་ཕྱོགས་ཤིང༌། །
བྱམས་བརྩེའི་དཔལ་ལས་འཁྲུངས་པའི་ཞི་བདེའི་སྣང་བས། །
དཀར་འཇམ་ཡུག་གཅིག་ཁྱབ་པའི་སྨོན་འདུན་ཞུའོ། །

 

不贪三有然于三有处
慈悲救护苦难之众生
无欺唯一大恩上师尊
今世有情业力您知否

当初之心可爱之孩童
业力现前不由而漂泊
目睹精彩人间之世界
不觉沿着歧路而走远

阳关大道每每笑朗朗
独木小桥每每泪汪汪
悲喜情节每每希且惧
苦乐感受每每皆难忘

白昼之下醒觉之梦境
顽固执着滋长迷乱相
贪亲嗔怨争斗欺人术
引发无边痛苦而环绕

六聚境相虚空之彩虹
无辨幼童执之为实有
欲取彩虹为饰之希愿
唯增自心痛苦无所得

寄托以物人生之理想
执此理念茫茫人群中
了知内心意义之智者
惜乎珍贵寥然若晨星

行于正路如理如法者
人群格格不入似白鸦
众生意行犹如险瀑流
随波追逐每况而愈下

学识资财情爱与妙欲
争夺如临战场众生中
疗愈心伤无死之甘露
若能忆念正法实希有

五光十色现代都市中
忙忙碌碌度过此一生
遥不可及真正之快乐
故当殷殷恳切向内求

胜义之乐财富不能取
内心坦然权势不能求
本然欢喜欺瞞无可得
思之唯有行者享此乐

本师能仁太阳已久卧
了义正法光芒然未损
圣教光明值遇何其幸
不由难抑内心之欢笑

过眼云烟人生虽苦痛
永恒快乐前路正相迎
欲求菩提解脱之众生
快乐步入快乐且同行

接引向导善能迎宾客
如愿旅人欢畅而远歌
无有厌足善缘之乐受
希冀美意良愿遂心成

久以谙熟人间之家乡
同信之人心皆向佛法
祈愿安祥周遍诸方所
慈悲孕育和平之光芒

 

 

所属类别: 诗歌

该资讯的关键词为:

页面版权© www.blh.hk      粤ICP备08008457号  技术支持: 中企动力  【后台管理登陆】