牢狱之歌

日期:2012-04-12
更登群培大师  著
 丹增活佛述译  弟子恭录整理


 

བཙོན་ནས་བླངས་པའི་མགུར །

འདི་ན་སུ་དང་གང་གིས་མི་ཤེས་པའི ། །
གཡུང་དྲུང་ལྷ་ཡི་རྨུ་ཐག་རིང་མོ་འདིས ། །
མཐའ་མེད་ཆོས་དབྱིངས་རིག་པའི་དབྱིངས་སུ་བཏགས ། །
རིག་པའི་བུ་ཆུང་ལུས་ཀྱི་ནང་དུ་བཏགས ། །
ལུས་ཀྱི་ཐོ་ཡོར་ཟས་དང་སྐོམ་ལ་བཏགས ། །
ཟས་དང་སྐོམ་ནི་ཕྱི་རོལ་རྐྱེན་ལ་བཏགས ། །
དེ་ལྟར་ཐག་པ་གཅིག་ལ་གཅིག་འཐུད་པས ། །
གཅོད་པའི་ས་མཚམས་གཞན་ནི་ཡོད་མ་ཡིན ། །
ས་མཚམས་གཅིག་ནི་ཀུན་གྱིས་མི་འདོད་པ ། །
ལུས་སེམས་འབྲེལ་ཐག་ཆོད་པའི་འཆི་བ་ཉིད ། །
ས་མཚམས་གཅིག་ནི་ཀུན་གྱིས་མི་ཤེས་པ ། །
ཐག་པ་རུལ་ནས་དབྱིངས་རིག་འདྲེས་པ་ཉིད ། །
སེམས་འདི་མཐའ་དང་བྲལ་བའི་ལྷ་མོ་སྟེ ། །
ལྷ་མོའི་ཕ་ཡུལ་འཇིག་རྟེན་འདི་མིན་མོད ། །
སེམས་ཀྱི་ལྷ་མོའི་ཞབས་ཀྱི་མཐེ་ཆུང་གཅིག ། །
སྐུད་པས་ལུས་པོ་འདི་ལ་དམ་དུ་བཏགས ། །
དེས་ན་སྐུད་པ་འདི་ཉིད་ཆད་ཀྱི་བར ། །
ལུས་ཀྱིས་གང་མྱོང་སེམས་ཀྱིས་མྱོང་བར་སྣང་ ། །
མཐེ་ཆུང་འདི་ལ་ཕན་གནོད་གང་བྱས་པས ། །
ལྷ་མོ་དེ་ལ་བདེ་སྡུག་མྱོང་བར་ཟད ། །
ཐག་པ་འདི་དེ་ཆད་ན་ལེགས་མོད་ཀྱང་། །
ཐག་པ་ཆད་པར་འཇིག་རྟེན་ཐམས་ཅད་སྐྲགས ། །
ཐག་པས་འབྲེལ་བའི་ཐབས་ལའ་འབད་པ་ནའ ། །
ཐག་པའི་སྣེ་ཀུན་ཚེར་མས་དཀྲིས་པར་མཐོང་། །
ཚེར་མའི་རྩེ་མོ་རེ་རེ་འགོག་སླད་དུ ། །
ཤེས་རིག་ལས་ཀྱི་རྣམ་གྲངས་རེ་རེ་བསླབ ། །
དེས་ན་ཚེར་མ་འགོག་པའི་ཁྲལ་ལས་འདི ། །
མ་ཤིའི་བར་དུ་བྲེལ་བས་བྱེད་པར་ཟད ། །
ཚར་མེད་སྤང་དུ་མེད་པའི་བྲེལ་བ་འདི ། །
ཀུན་ཀྱི་སྐྱེ་བ་བླངས་པའི་དོན་སྒོར་སྣང་།
མཁའ་དང་མཉམ་པའི་སེམས་ཀྱི་ཆ་ཤས་གཅིག །
ཤ་ཁྲག་ལུས་ཀྱི་འདམ་དུ་ཚུད་པ་ནའ ། །
ཚ་གྲང་བཀྲེས་སྐོམ་རེ་དོགས་འཇིགས་སྐྲག་གི །
སྡུག་བསྔལ་འདི་ལ་ཟད་མཐའ་མེད་པ་སྙམ ། །
འོན་ཀྱང་འབད་པ་བརྒྱ་ཡིས་བསྒྲུབས་བསྒྲུབས་པའི ། །
ཤེས་རིག་དཔལ་གྱིས་བསྐྲུན་པའི་ལུས་པོ་འདི ། །
ཆོས་ཉིད་གནམ་གྱི་རྒྱལ་མོའི་བཀའ་ལུང་བཞིན ། །
ས་སྟེང་འདི་རུ་ལོ་ཤས་སྡོད་པར་ཟད ། །

 

 

牢狱之歌

于此谁皆不了知
永恒天神之长索
缚于无边本觉界
本觉童子缚身躯
身躯傀儡缚饮食
饮食缚于外在缘
如是一一相扣连
无有能断之环节
虽有一环众不愿
身心分离之死亡
另有一环众不知
绳毁觉空之圆融
此心无边之天女
天女家园非此间
心之天女一小趾
为线所缚身体中
由是直至绳线断
身之觉受心之觉
作何损益于小趾
亦致天女生苦乐
绳若能断固然好
绳若真断世人惊
勤于设法连绳索
却见绳端缠荆棘
为防一一尖刺伤
学习一一知识法
由是防刺好比债
未死唯是忙于此
无尽难弃之奔波
方似为人之意义
等空心之一小份
深陷血肉身躯中
冷暖饥渴希与惧
悠悠痛苦无尽头
然此辛苦所学成
才华横溢之此身
谨遵法性天母命
且在人间住几年

所属类别: 诗歌

该资讯的关键词为:

页面版权© www.blh.hk      粤ICP备08008457号  技术支持: 中企动力  【后台管理登陆】