出家的感想

日期:2012-04-12
丹增活佛诗集   ཁྱིམ་ནས་མངོན་པར་བྱུང་བའི་ཚོར་སྣང༌།  一篇之译文  


 

དམར་ཆུང་སེམས་པ་གཙང་པོའི་ཆུ་ལ་བསྐྱུར། །
རྒྱ་སེའི་མེ་ཏོག་ཐལ་བའི་གསེབ་ཏུ་བོར། །
གནག་སྣུམ་སྐྲ་ལོ་རལ་གྲིའི་ཟས་ལ་བྱིན། །
འཁོར་བའི་ཆོས་ལ་བཞི་ཤད་རྫོགས་ཚིག་བྲིས། །

གྱེས་ཁའི་ཕྱི་མིག་མདུན་ནས་རྒྱབ་ཏུ་འཕངས། །
ཕ་ཡུལ་རི་ལྗོངས་ན་བུན་གསེབ་ཏུ་བསྐྱུར། །
ན་གཞོན་ང་དང་སྟོན་གྱི་ཤིང་ལོ་གཉིས། །
ལས་ཀྱི་རླུང་གིས་ཕྱོགས་མེད་གནས་སུ་སྤུར། །

ནུབ་ཁའི་ཉི་འོད་གསེར་ཏོག་ངོས་སུ་འཁྱུད། །
བྱེའུ་ཆུང་འཇོལ་མོ་བྱ་འདབས་པང་དུ་བསྙེགས། །
དགུང་ཁའི་གཟིམ་དུང་དལ་གྱིས་གཉིད་དུ་ཡུར། །
ལྷིང་འཇགས་དགོན་པའི་མཚན་མོ་བག་རེ་ཕེབས། །

སྒེའུ་ཁུང་ནང་ནས་རྒྱང་རིང་ནམ་མཁའ་མཐོང༌། །
ཚེས་བརྒྱད་ཟླ་བ་ཕྱེད་ཆས་བྲི་གྱུར་ཀྱང༌། །
རབ་དགའི་ཆ་རྫོགས་ཡིད་ཀྱི་རི་བོང་ཅན། །
བློ་བདེའི་ལྷ་ལམ་ངོས་ན་འོད་དུ་འཚེར། །

གྲྭ་ཁང་ནང་གི་རྨི་ལམ་ཚོན་མ་ཡིས། །
སྤུ་ལོང་རྒྱས་པའི་ངེས་འབྱུང་སྙིང་ནས་བསླངས། །
ཞོགས་པའི་ཆོས་སྒྲ་དྲིལ་གཡེར་སྒྲ་དང་བསྡེབས། །
དགའ་སྐྱོ་འབྲེལ་བའི་མཆི་མ་སེམས་ལ་ལྷུང༌། །

ཟླ་འོད་ཟིལ་དཀར་དལ་གྱིས་ལེན་པ་ཡི། །
མུ་འབྲེལ་གྲྭ་ཤག་བསྟར་བའི་ཁོར་ཡུག་ནས། །
ཞི་དུལ་དགེ་སྦྱོང་བཙུན་པའི་ཁྱུ་འཁྲིགས་པས། །
དད་བརྒྱའི་འདུན་མ་ཐར་བའི་ཕྱོགས་སུ་བསྒྱུར། །

འདས་དོན་འཁོར་བའི་སྣང་བརྙན་སོར་རྩེ་ཡིས། །
སྙན་ཚིག་གཟུགས་སུ་ཕབ་པའི་ཡིག་ཆུང་དེ། །
ན་བཟའ་དཀར་མོའི་ཁམས་སུ་རྒྱས་བཏབ་པས། །
སྙིང་གི་དབུས་སུ་བདེ་བའི་དྲོད་ཁོལ་འབར། །

མི་ཚེ་ཕྱེད་ཀྱི་ཡུན་ལ་བཙལ་བ་ཡི། །
ཞི་བའི་ཕ་ཁྱིམ་རྙེད་པའི་དགའ་བ་འདིས། །
ཡུན་རིང་དུབ་པའི་སེམས་ཉིད་ངལ་སོས་ཕྱིར། །
ད་ནི་མིག་ཟུང་ཟུམ་ཡང་འགྱོད་པ་ཅི། །

དབེན་གསུམ་རི་བོའི་ངོགས་སུ་གནས་བཅས་ནས། །
དབུ་སྐྱེས་ལོ་ཟླའི་ཚོན་གྱིས་དཀར་བ་ཡི། །
མཚུངས་བྲལ་བླ་མའི་རྗེས་ཞུགས་ཚེ་དང་ཆོས། །
སྙོམས་པའི་ཞེ་དམ་སྙིང་ལ་རི་མོར་འབྲི། །

དུར་ཁུང་ནང་གི་ཨ་མ་རྒན་མོ་དེས། །
ཕྱི་མའི་ཡུལ་ནས་དུང་བའི་ཤི་མིག་གིས། །
བུ་ཡིས་ཆོས་ལམ་བསྙེགས་པའི་ལྟད་མོ་དེ། །
ཀྱེ་མ་དངོས་སུ་མཐོང་ན་དགའ་བ་ལ། །

 

红心抛入河水
玫瑰弃入灶灰
乌发饲喂宝剑
轮回之幕终垂

 

离别恋恋后望
雾隐山水故乡
青年我与秋叶
随业风漂何方

 

晚霞笼罩金顶
画眉急返檐巢
寝号声声渐眠
静寺夜下逍遥

 

隔窗遥望虚空
初八月儿半逢
内心宁静圆月
安然照耀空中

 

寝房彩色睡梦
内心生起出离
诵经声伴风铃
悲喜泪流心底

 

月光白霜洒落
密密匝匝僧舍
修善沙门聚集
定信走向解脱

 

往昔影像如画
凝成甜蜜情诗
交付白衣佛母①
心中快乐沸燃

 

半生一直找寻
今得涅槃家园
休憩久乏之心
无悔阖上双眼

 

三寂安祥之山
岁月将头染白
追随无比上师
寿与修法相伴

 

墓穴里的阿妈
那方可曾观望
爱子出家一幕
亲见多么欢喜



 

        备注: ①白衣佛母:指火

所属类别: 诗歌

该资讯的关键词为:

页面版权© www.blh.hk      粤ICP备08008457号  技术支持: 中企动力  【后台管理登陆】